FLASH
Shkruar nga Pamfleti
Vetëm pak ditë pas shitjes së “yllit” të tyre, Alesandro Buonxhorno, te Napoli, për plot 40 milionë euro, drejtuesit e Torinos kanë filluar të kërkojnë një qendërmbrojtës të ri dhe një ndër emrat që pëlqehet shumë nga klubi i Serisë A është Albian Hajdari, 21-vjeçari shqiptar, që aktualisht luan te Lugano, në elitën e futbollit zviceran.
“Dardani” i prapavijës ka qenë më parë pjesë e ekipit të të rinjve të Juventusit, ndërkohë që luan me Zvicrën U-21, teksa konsiderohet si një lojtar me shumë potencial, ku përveç qendrës së mbrojtjes, Hajdari mund të aktivizohet edhe në krahun e majtë të repartit të prapavijës.
Presidenti i Torinos, Urbano Kairo pritet të përpilojë një ofertë zyrtare për kartonin e mbrojtësit potent, i cili do e priste me kënaqësi rikthimin në qytetin piemontez. Kartoni i tij vlerësohet maksimalisht 4 milionë euro dhe aktualisht pas tij janë vendosur edhe Augsburgu në Gjermani e Xhirona në Spanjë.
Lini një Përgjigje