FLASH
Shkruar nga Pamfleti
Andri Shevçenko është zyrtarisht presidenti i ri i Federatës së Futbollit të Ukrainës. Legjenda e futbollit ukrainas, i cili ka fituar thuajse gjithçka si lojtar, tashmë është drejtuesi më i lartë i futbollit të vendit të tij.
Sheva ishte paraqitur në zgjedhje si kandidati i vetëm për të marrë këtë post, pasi në momentin që u mësua se ishte një nga kandidaturat, askush nuk doli të garonte kundër tij. Sot, është zhvilluar edhe votimi formal ku ai ka marrë 93 nga 94 votat e delegatëve, duke marrë zyrtarisht detyrën.
Sheva i dha fund karrierës si futbollist në vitin 2012 dhe nga viti 2016, deri në vitin 2021, drejtoi përfaqësuesen e Ukrainës si trajner. Ai provoi këtë detyrë edhe te Xhenoa në Itali, pa shumë sukses, ndërsa tani nis një etapë të re, për t’u bërë drejtues në nivelet më të larta.
OFFICIAL ✅
— Zorya Londonsk (@ZoryaLondonsk) January 25, 2024
Andriy Shevchenko has been announced as Ukrainian Association of Football’s NEW PRESIDENT
93/94 delegates voted FOR him pic.twitter.com/Mm1srEmZ43
I menjëhershëm është edhe reagimi i Milanit në rrjetet sociale. Kuqezinjtë kanë uruar ish-lojtarin e tyre për postin e ri, ndërsa i urojnë shumë fat në këtë rrugëtim.
“Urime dhe shumë fat për Andrij Shevçenko, i cili është zgjedhur president i Shoqatës së Futbollit të Ukrainës. Urimet më të mira dhe suksese në rrugëtimin e ri”, ka shkruar skuadra italiane.
Congratulations and the best of luck to Andriy Shevchenko who has been elected president of the Ukrainian Association of Football! ????????
— AC Milan (@acmilan) January 25, 2024
Congratulazioni e auguri di buon lavoro ad Andriy Shevchenko, nuovo Presidente della Federcalcio Ucraina. In bocca al lupo Sheva! ????????… pic.twitter.com/6JM0oua7wq
Lini një Përgjigje