FLASH
Shkruar nga Pamfleti
Rei Manaj ka qenë protagonist në javën e fundit në Turqi edhe pa zbritur në fushën e lojës. Futbollisti u kritikua nga trajneri i Sivasporit dhe më pas u la jashtë ekipit për ndeshjen delikate ndaj Samsunsporit që më pas rezultoi vendimtare për rënien nga kategoria.
Më pas, Manaj nuk u kursye kundër trajnerit Riza Çalimbaj, me një postim në rrjetet sociale kundër tij duke e akuzuar se “kishte vendosur egon personale para skuadrës”. Këto deklarata qarkulluan në të gjitha mediat turke dhe u cilësuan nga shumëkush si pika e ndarjes së sulmuesit nga klubi.
Por me rikthimin sot në stërvitje të skuadrës për ndeshjen e radhës në kampionat, në seancë është shfaqur edhe Manaj. Sulmuesi ka zhvilluar seancën normalisht me pjesën tjetër të skuadrës, duke hedhur poshtë zërat se kishte qenë i dëmtuar dhe nuk ishte në gjendje të luante, siç kishte deklaruar trajneri para ndeshjes së fundit ku e lanë jashtë.
Lini një Përgjigje