FLASH
Shkruar nga Pamfleti
Rei Manaj nuk do të jetë më një futbollist i Sivasporit. Lajmin e bën të ditur vetë futbollisti, i cili me një postim në rrjetet sociale falenderon të gjithë për aventurën e tij turke.
“Të dua Sivas, do të jesh gjithnjë në zemrën time. Faleminderit për gjithçka”, shkruan Manaj në faqen e tij në Instagram.
Manaj ishte pa mëdyshjen më të vogël, lojtari më i mirë i Sivasporit, ku këtë sezon shënoi plot 22 gola e 4 asiste, duke u renditur si golashënuesi i tretë më i mirë në kampionat pas Xhekos e Ikardit.
E ardhmja e tij ende s’ka një përgjigje definitive, por sirenat e Serisë A apo La Ligas po bien prej disa javësh. Mbetet për t’u parë nëse do të vendoset para Europianit apo pas tij.
Gjithsesi, fillimisht prioritet është Europiani, 27-vjeçari ka gjasa të mëdha që të jetë pjesë e listës së Silvinjos, e cila do të publikohet të hënën.
Lini një Përgjigje