
PSG ka marrë një fitore 3-2 me shumë vuajtje në fushën e Brest, në javën e 10 të kampionatit francez. Vuajtje të paparashikuara për skuadrën e Luis Enrikes, që kishte siguruar një avantazh 2-0 në 28 minutat e para të ndeshjes falë golave të Zaire-Emeri dhe Mbape.
Dy minuta para fundit të pjesës së parë erdhi goli i Muni që hapi takimin. Në fillimin e pjesës së dytë, në minutën e 52, erdhi edhe goli i barazimit për vendasit i shënuar nga Le Duraon. Kur dukej se sfida do të mbyllej në barazim, erdhi goli i tretë për miqtë.
Ishte Mbape që fiksoi shifrat në 3-2. Sulmuesi francez gaboi fillimisht penalltinë e fituar nga Kolo Muani, por topi shkoi përsëri në këmbët e Kilian që e dërgoi me lehtësi në portë.
Lini një Përgjigje