FLASH
Shkruar nga Pamfleti
PSG ka marrë një fitore të pastër 0-3 në transfertën ndaj Anxhers, në ndeshjen e vlefshme për javën e 30-të të kampionatit, duke konfirmuar pozitat në krye të renditjes.
Edhe pse me disa titullarë të lënë në stol dhe me fokusin te gjysmëfinalja e parë e Champions League ndaj Bajernit të Mynihut, skuadra pariziene arriti të zhbllokonte shpejt rezultatin. Li Kang-In shënoi në minutën e 7-të, ndërsa avantazhi u thellua nga Seni Majulu në minutën w 39-ën. Goli i tretë erdhi në pjesën e dytë, me Lukas Beraldo në minutën e 52-të.
Në 15 minutat e fundit, PSG-ja luajti me një lojtar më pak pas daljes me karton të kuq të Gonçalo Ramos, i ndëshkuar me dy të verdhë.
Me këtë fitore, PSG-ja kryeson e vetme me 69 pikë, duke krijuar një diferencë prej 6 pikësh nga vendi i dytë, që mbahet nga Lens. Këta të fundit barazuan 3-3 në ndeshjen ndaj Brest.
Lini një Përgjigje