FLASH
Shkruar nga Pamfleti
Ylli i Realit të Madridit, Kilian Mbape, është aktualisht në një betejë ligjore me ish-klubin e tij, PSG, për pagesën e pagave dhe bonuseve të tij.
Sipas “SPORT”, lojtari ka pretenduar se i detyrohen ende 55 milionë euro.
Megjithatë, në një kthesë të papritur ngjarjesh, parisienët kanë deklaruar se Mbape nuk ka prova të mjaftueshme për këto pretendime. Për më tepër, skuadra e Ligës 1 tani po kërkon 98 milionë euro në një kundërpadi.
Renaud Semerdjian, një avokat i përfshirë në këtë rast, ka thënë se taktikat dhe sjellja e Mbape kanë ndikuar financiarisht në klub.
Ai tha: “Qëllimi nuk është domosdoshmërish të rikuperohen 98 milionë euro. Por të provohet se pretendimet e Mbape janë të pajustifikuara nëse dhe ai i detyrohet para PSG-së”.
Avokati i Mbape, Tomas Klei, mbrojti klientin e tij dhe vuri në dukje mungesën e transparencës nga ana e PSG-së.
Ai tha: “Ku janë paratë? Nuk ishte e lehtë t’i konfiskojmë, bankat refuzuan. Po merremi me shtetin sovran të Katarit që financon këtë klub”.
“Ekziston rreziku i rikuperimit të parave kur ka mungesë transparence në llogari dhe kur i dimë vështirësitë me shtetet”.
Lidhjet e Mbape me PSG-në duket se janë përkeqësuar që kur ai u bashkua me Realin e Madridit në verën e vitit 2024 me kosto zero.
Që atëherë, ai ka luajtur 52 ndeshje në të gjitha kompeticionet me madrilenët, duke shënuar 38 gola dhe duke dhënë katër asiste.
Lini një Përgjigje