FLASH
Shkruar nga Pamfleti
Çesk Fabregas është kthyer në një nga objektivat kryesorë të shumë klubeve në Europë. Ish-mesfushori spanjoll, ka bërë shumë shpejt emër në një detyrë të re, atë të trajnerit, duke drejtuar Komon drejt ngjitjes në Serinë A e pastaj duke u konfirmuar qetësisht në mesin e tabelës në një nga projektet më interesante të futbollit italian.
Shumë klube të mëdha i kanë shkelur syrin atij, duke i dhënë mundësinë Fabregas që të bëhej pjesë e projekteve më të rëndësishme, si dhe të provonte aftësitë e tij në klube që luajnë për titull apo në kompeticionet europiane, por ai ka filluar t’i refuzojë një nga një.
Sipas “Sky Sport” në Itali, Bajer Lveerkuseni i ka ofruar Fabregasit mundësinë të bëhej pasardhësi i Çabi Alonsos, i cili largohet në fund të këtij sezoni me destinacion Realin e Madridit. Por spanjolli ka thënë “jo”, duke i bërë të qartë se dëshiron për momentin të vazhdojë te Komo. Të njëjtat burime theksojnë se ai është gati të refuzojë ofertat që pritet të vijnë edhe nga Sevilja apo Lajpcigu, të cilat gjithashtu po kërkojnë trajnerë të rinj për edicionin e ardhshëm.
Lini një Përgjigje