FLASH
Shkruar nga Pamfleti
Portieri i përfaqësueses së Kosovës, Amir Saipi, pritet të mbyllë aventurën e tij me Luganon pas një periudhe pesëvjeçare në klubin zviceran. Lajmi bëhet i ditur nga media zvicerane “Blick.ch”, e cila raporton për interesimin konkret të Bodo/Glimt, kampionëve në fuqi të Norvegjisë.
Gjatë qendrimit te Lugano, Saipi është konsideruar si një nga portierët kryesorë të ekipit, duke qenë një element i rëndësishëm në formacion. Performancat e tij të qendrueshme i kanë siguruar gjithashtu vend në përfaqësuesen e Kosovës.
Klubi norvegjez Bodo/Glimt, i cili në këtë edicion të Champions League është konsideruar si një nga surprizat kryesore, ka shfaqur interes për shërbimet e portierit shqiptar. Megjithatë, detaje të mëtejshme mbi negociatat apo një marrëveshje të mundshme nuk janë bërë publike.
Një kalim i mundshëm në Norvegji do të përbënte një hap të ri në karrierën e Saipit, duke i ofruar atij mundësinë për të konkurruar në nivele më të larta dhe për t’u ekspozuar më tej në arenën evropiane me një skuadër ambicioze.
Lini një Përgjigje