FLASH
Shkruar nga Pamfleti
Gjykata Sportive e Holandës mori vendimin këtë të enjte për të përjashtuar me dy vjet (njërin prej tyre me kusht) Mark Overmars nga çdo rol në futboll. Arsyeja e këtij vendimi është sjellja e ish-sulmuesit holandez, i cili u dërgonte imazhe seksuale punonjëseve në kohën kur ishte drejtor sportiv tek Ajaksi.
Në vendimin e gjykatës thuhet se “në shqyrtimin e sanksionit të duhur, komisioni disiplinor mori parasysh se çështja ishte shumë e publikuar, në dëm të të akuzuarit”,- ku theksohet gjithashtu se “sjellja e papërshtatshme” e Overmarsit zgjati shumë dhe kishte disa raste të identifikuara.
Holandezi dha dorëheqjen nga detyra në shkurt të vitit 2022 nga Ajaksi, por nënshkroi një muaj më vonë me Antuerpin, në Belgjikë. Ish-sulmuesi holandez ka fituar Championsin me Ajaksin gati tri dekada më parë, si dhe ka luajtur për Arsenalin dhe Barcelonën.
Lini një Përgjigje