FLASH
Shkruar nga Pamfleti
Përfundon pjesa e parë e ndeshjes Shqipëri-Çeki e vlefshme për raundin e 5 të Ligës së Kombeve. Sfida që po luhet në “Air Albania” është mbyllur në barazim 0-0.
Në këto 45 minuta, kuqezinjtë treguan një përgjumje totale, teksa u kujtuan vetëm në minutat e fundit të takimit për t'u zgjuar.
Çekët u shfaqën të rrezikshëm, teksa brenda pak minutave goditën dy herë traversën. Në vijimin e një goditje këndi në minutën e 12, Jemelka gjuajti me kokë, por traversa ndali goditjen e tij.
Ndërkohë vetëm pak sekonda më pas Tomas Suçek lëshoi një predhë nga jashtë zone, por përsëri traversa shpëtoi portën e Strakoshës me këtë të fundit që devijoi fillimisht topin.
Në minutën e 17, Bajrami gjeti hapësirë në të majtë, hyri në zonë, por më pas nuk ia doli të pasonte në qendër për shokët e skuadrës.
Si të mos mjaftonte loja e dobët që po prodhojmë, tashmë duhet të vuajmë edhe mungesën e një prej “yjeve” të sulmit tonë.
“Fantazisti” Jasir Asani është detyruar të lërë i dëmtuar fushën e blertë, pasi ka ndjerë shqetësime në muskujt e tij. Në vendin e tij tekniku Silvinjo vendosi të hedhë në fushë Taulant Seferin.
Në minutën e 35, aksion i rrjedhshëm në krahun e majtë, topi shkoi te Bajrami, i cili gjuajti nga jashtë zonës, por nuk gjeti trajektoren e duhur për të çuar topin në portë.
nNë minutën e 44, kuqezinjtë patën rastin më të mirë për të shënuar, por Laçi nuk gjeti portën, me goditjen që përfundoi jashtë
Mbetet të shihet si do të shkojnë 45 minutat e dyta të këtij takimi.
Lini një Përgjigje