FLASH
Shkruar nga Pamfleti
Tirana sfidon Beshiktashin në “Air Albania”, në ndeshjen e kthimit të turit të dytë të Ligës së Konferencës. Skuadra turke ka fituar 3-1 në takimin e parë, ndërsa sonte janë favoritët absolut.
Për të bërë mrekullinë, trajneri Shehi ka vendosur të ndryshojë modul, por edhe emra në radhët e skuadrës së tij siç kishte paralajmëruar një ditë më parë. Kështu, në prapavijë shfaqen nga minuta e parë Lulaj dhe Haxhiu, teksa do të jetë Deliu nga minuta e parë në fushë përkrah Lushkjes e Jonuzit dhe jo Hila.
Në sulm, konfirmohet Kaina si titullar përkrah Hasanit, teksa Abazaj dhe Latifi e nisin nga stoli.
Të dy trajnerët kanë vendosur për formacionet që do të zbresin në fushë. Takimi do të arbitrohet nga anglezi Atuell.
Lini një Përgjigje