FLASH
Shkruar nga Pamfleti
Kina komunikoi se do të anulojë dy miqësoret që ishin programuar për kombëtaren e Argjentinës, pas protestave për mungesën dhe sjelljen e Lionel Mesit, që nuk zbriti në fushë në Hong Kong me Inter Majemin, duke provokuar zemërimin e qeverisë lokale, që faktikisht kontrollohet nga kinezët, edhe për faktin se vetëm 3 ditë më pas Mesi luajti me ekipin e tij në Tokio. Tifozët në Hong Kong që kishin paguar deri 570 euro biletën për të parë Kampionin e Botës në fushë, shprehën indinjatën e tyre për mungesën e sulmuesit argjentinas, por edhe për sjelljen e tij, pasi nuk ju drejtua publikut për të kërkuar ndjesë.
Ndërkohë Federata Kineze e Futbollit publikoi një komunikatë ku bën të ditur se vendi aziatik nuk do të mirëpresë miqësoret e programuara të Argjentinës për muajin mars. Anulimi i turneut në Kinë është një goditje për Federatën argjentinase që e konsideron kolosin aziatik një merkato strategjike dhe ku ka kontrata të shumta sponsorizimi apo bashkëpunimi me kompani lokale. Kombëtarja e Argjentinës kishte paralajmëruar një turne në vendin aziatik nga 18 më 26 mars, gjatë të cilit do të përballej me Nigerinë dhe Bregun e Fildishtë në Pekin.
Lini një Përgjigje