FLASH
Shkruar nga Pamfleti
Sporti gjithnjë të tregon histori që shumë pak kanë aftësinë t’i krijojnë dhe një prej këtyre historive, e shndërruar në një përrallë moderne, është treguar nga futbollistët e Mjalbi, që ditën e hënë kompletuan një rrugëtim të jashtëzakonshëm e të mrekullueshëm në kampionatin suedez duke fituar titullin kampion.
Një fushatë që nuk do të harrohet kurrë dhe ka hyrë tashmë në historinë e futbollit duke qenë se padronët e rij të futbollit në vendin skandinav janë një skuadër nga një qytet me vetëm 1400 banorë. Dhe një prej protagonistëve më të mëdhenj të kësaj skuadre që është pagëzuar edhe si ‘Leisteri suedez’ është pikërisht trajneri Anders Torshtenson, historia e të cilit ka gjithashtu të pabesueshmen duke qenë se ai prej muajsh po lufton një betejë shumë më të fortë jashtë fushave të lojës
Në fakt në gusht të vitit 2024, Torshtenson mësoi një lajm të tmerrshëm; u diagnostikua me leucemi linfatike kronike. ‘Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo dite këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë’.
Por në anën tjetër diagnoza me kancer i ka mësuar diçka Torshtenson.
‘Nuk marr asgjë për të mirëqenë dhe nuk i shtyj gjërat për t’i bërë të nesërmen-tregon Torshtenson-është edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar çdo ditë me një kujdes të jashtëzakonshëm dhe nuk kemi bërë kompromis për asgjë’.
Lini një Përgjigje