FLASH
Shkruar nga Pamfleti
“The Athletic” raporton se Karlo Ançeloti do të largohet në fund të këtij sezoni nga drejtimi i Realit të Madridit, edhe pse kontrata e tij skadon qershorin e vitit të ardhshëm.
Sipas raportimit në fjalë, drejtuesit e Realit dhe tekniku italian kanë rënë dakord që të mbyllin bashkëpunimin në fund të sezonit aktual. Edhe nëse ndodhë që Reali të fitojë La Ligën dhe Kupën e Mbretit, Karlo Ançeloti do të largohet sërish.
Megjithatë, për Karlon nuk do të ketë pushime të gjata, pasi interesi për të është shumë i madh, por e ardhmja e tij me shumë gjasa do jetë në Brazil. Italiani do të marrë drejtimin e 5 herë kampionëve të Botës, ku synimi kryesor është padyshim suksesi dhe ngritja e trofeut në Botërorin e vitit 2026.
Përsa i përket Realit, trajneri i ri sipas të gjitha gjasave do të jetë Çabi Alonso, i cili do të ndahet me Leverkusenin në përfundim të sezonit dhe do të rikthehet në Madrid, këtë herë jo më si lojtar, por si trajner.
Lini një Përgjigje