FLASH
Shkruar nga Pamfleti
Napoli kthehet të fokusohet plotësisht tek Ardian Ismajli. Kryesuesit e Serisë A kërkojnë përforcime për pjesën e dytë të sezonit dhe mbrojtësi shqiptar tashmë është kthyer në një prioritet për napolitanët, pas refuzimit të fundit që morën.
Konte kishte kërkuar një qendërmbrojtës dhe ishte piketuar braziliani Danilo i Juventusit, i cili po largohet nga bardhezinjtë. Por ky i fundit ka ndërruar mendje dhe nuk do të vazhdojë më në Itali, duke u kthyer në Brazil për të firmosur me Flamengon.
Kësisoj, Napolit i duhet një tjetër lojtar për prapavijën dhe tani vëmendja është kthyer tek Ismajli, i cili është një futbollist me eksperiencë në Serinë A, e padyshim me cilësitë për të bërë mirë. Empoli nuk heq dorë nga futbollisti deri në fund të sezonit, kur atij i mbaron kontrata. Por Napoli tashmë është gati të paguajë për të siguruar firmën e tij.
Ndaj në ditët në vijim priten të reja në këtë drejtim, me përfaqësuesit e klubeve që do të nisin bisedimet konkrete për të mundësuar një marrëveshje.
Lini një Përgjigje