FLASH
Shkruar nga Pamfleti
Marash Kumbulla ka shkëlqyer këtë sezon tek Espanjoli në La Liga. Mbrojtësi i Kombëtares ka dhënë një intervistë për “Corriere dello Sport”, ku ka folur për të ardhmen e tij.
Siç dihet huazimi i përfundon në fund të këtij sezoni, teksa ende nuk dihet se çfarë do të ndodhë me të. Gjithashtu ka folur edhe për Zhoze Murinjon dhe Daniele De Rosin, të cilët i kishte trajner te Roma.
“E ardhmja? Nuk e di për të ardhmen, nuk e kam idenë. Jam këtu në huazim deri në fund të sezonit, jam shumë i lumtur, klubet do të vendosin.
Romën? Dua ta bëj të qartë se jam shumë i kënaqur me mënyrën se si ekipi, shokët e mi, kanë gjetur qetësi dhe rezultate me Ranierin. Dhe më pas dua të shtoj se prioriteti im tani është Espanjoli, të shpëtoj veten dhe të qendroj i bashkuar me tifozët është mendimi im i vetëm. Pastaj nuk e di se çfarë ndodhi në Romë, ndoshta një kombinim i gjërave, por largimi ishte gjëja që duhej të bëja, nuk prisja të jem përsëri në këtë gjendje të bëjë mirë.
Murinjo dhe De Rosi? Murinjo është i jashtëzakonshëm, i drejtpërdrejtë, ai mund të jetë edhe i ashpër, por të shikon në sy dhe të thotë gjithmonë të vërtetën. Kjo më ka ndihmuar të rritem. Nuk kam punuar shumë me De Rosin, por më pëlqejnë idetë e tij dhe mënyra se si i trajton gjërat. I bukur kur duhet, shumë serioz në raste të tjera. Pak si Manolo Gonzalez, nuk bën dallime.
Juriç? Nuk e mendoja se do të shkonte kështu në Romë, për mua ai është një trajner i mirë dhe një person i mirë. E respektoj shumë. Rrallë dëgjoj prej tij, herë pas here i shkruajmë njëri-tjetrit nëse ka diçka të rëndësishme.
Ndiheni të ndryshuar pas një viti jashtë Italisë? I rritur, më shumë se i ndryshuar. Është një përvojë që do t’ua rekomandoja të gjithëve”, ka përfunduar 25-vjeçari.
Lini një Përgjigje