FLASH
Shkruar nga Pamfleti
Liga A e Ligës së Kombeve pritet të ofrojë përballje të nivelit më të lartë, pas shortit që vendosi në të njëjtat grupe disa nga përfaqësueset më të forta të futbollit evropian. Emra si Franca, Italia, Gjermania, Spanja dhe Portugalia do të ndeshen me kundërshtarë të fortë në një fazë grupesh që premton rivalitet të madh.
Grupi A1: Franca përballë Italisë, Belgjikës dhe Turqisë
Në Grupin A1 do të garojnë Franca, Italia, Belgjika dhe Turqia. Një grup me peshë të veçantë, ku spikat përballja mes Francës dhe Italisë, si dhe sfidat ndaj Belgjikës.
Nëse Vinçenco Montela do të jetë ende trajner i Turqisë gjatë këtij kompeticioni, ai do të përballet me Italinë, ish-kombëtaren e tij, me të cilën ka zhvilluar 20 ndeshje si futbollist. Kjo e shton edhe më shumë interesin në këtë grup.
Grupi A2: Gjermania dhe Holanda në një grup të fortë
Edhe Grupi A2 konsiderohet mjaft konkurrues. Gjermania dhe Holanda do të kenë përballë Serbinë dhe Greqinë, duke krijuar një tjetër grup me balancë dhe traditë në arenën ndërkombëtare.
Grupi A3: Spanja në duel me Kroacinë dhe Anglinë
Në Grupin A3, Spanja do të përballet me Kroacinë, Anglinë dhe Çekinë. Një tjetër grup që sjell përballje të forta mes kombëtareve me histori dhe objektiva të larta në kompeticionet evropiane.
Grupi A4: Portugalia mbron titullin
Kampionët në fuqi të Ligës së Kombeve, Portugalia, do të garojnë në Grupin A4 përballë Danimarkës, Norvegjisë dhe Uellsit. Skuadra portugeze synon të ruajë statusin e saj, por përballë do të ketë kundërshtarë që kanë treguar rritje të vazhdueshme në vitet e fundit.
Ndarja e grupeve në Ligën A:
Grupi A1: Franca, Italia, Belgjika, Turqia
Grupi A2: Gjermania, Holanda, Serbia, Greqia
Grupi A3: Spanja, Kroacia, Anglia, Çekia
Grupi A4: Portugalia, Danimarka, Norvegjia, Uellsi
Shorti konfirmon një edicion të fortë të Ligës së Kombeve, ku çdo grup paraqet sfida të nivelit të lartë dhe pak hapësirë për gabime.
Lini një Përgjigje