FLASH
Shkruar nga Pamfleti
Liverpuli ka mundur 4-1 Brentford në javën e 25 të Premier Ligës dhe kryeson renditjen me 57 pikë, pesë më shumë se Siti dhe Arsenali ndjekës, me Qytetarët që kanë dy ndeshje më pak.
Ndeshja e luajtur në “Brentford Community Stadium” është zhbllokuar në minutën e 35 me miqtë që kaluan në avantazh me një gol shumë të bukur të Nunjez.
Në minutën e 44 u kthye në fushë Mohamed Salah, i cili mori vendin e Diogo Zhotës, që doli nga fusha për arsye dëmtimi.
Egjiptiani ishte protagonist në minutën e 55 me asistin e dhënë për golin e dytë të Mek Allister. Ylli i Liverpulit trefisho rezultatin në minutën e 68.
Goli e nderit për vendasit erdhi në minutën e 75, i shënuar nga Tonej, i cili realizoi për herë të parë në karrierë kundër “Të Kuqve”.
Katër minuta para fundit u kompletua edhe pokeri i miqve me Gakpo.
Me Mohamed Salah dhe Kodi Gakpo, Liverpuli është bërë skuadra e dytë në historinë e Premier Ligës me dy lojtarë zëvendësues që kanë dhënë një asist dhe kanë shënuar një gol në një ndeshje të kampionatit anglez pas Arsenalit në vitin 2018.
Lini një Përgjigje