FLASH
Shkruar nga Pamfleti
Liverpuli ka mposhtur 3-1 Bërnlin dhe ka marrë kryesimin e Premier Ligës duke parakaluar Mançester Sitin, por ekipi i Guardiolës ka një ndeshje për të rikuperuar.
Diogo Zhota zhbllokoi takimin e luajtur në “Anfield Road” në minutën e 31, ndërsa O’Shi barazoi për miqtë në minutën e 45, me dy ekipet që e mbyllën në paqe pjesën e parë të takimit.
Asisti për golin e parë të “Të Kuqve” u dha nga Aleksandër Arnold, me 25-vjeçarin që u bë mbrojtësi me numrin më të lartë të asisteve në historinë e Premier Ligës; plot 58 asiste.
Në minutën e 52, Luis Diaz ktheu në avantazh skuadrën e Klop para se Nunjez të fiksonte shifrat përfundimtare në 3-1
Fitore edhe për Fullhemin e Armando Brojës, që mundit 3-1 në shtëpi Bërnmuthin, me sulmuesin kuqezi që hyri në fushë në minutën e 74.
Fitore me përmbysje për Totenhemin, me “Spërsat” që mundi 2-1 në shtëpi Brajtonin. Brentfordi mundi 2-0 Ullverhemptonin në transfertë dhe Sheffild Junajtid mposhti 3-1 Lutonin.
Lini një Përgjigje