FLASH
Shkruar nga Pamfleti
Katari ia ka dalë të fitojë Kupën e Azisë, për herë të dytë radhazi. Përfaqësuesja e njohur mundi 1-3 Jordaninë në finale, në ndeshjen e luajtur në "Lusail Iconic Stadium". Protagonist absolut i këtij takimi ishte Afif, i cili realizoi tripletë. Jordanezët shënuan një gol, me anë të Al-Naimat.
Katari e filloi këtë kompeticion si skuadra kampione në fuqi, por ekipi nuk u llogarit në mesin e favoritëve për të ngritur trofeun, për shkak të rekordit negativ ndaj skuadrave më të mëdha në letër. Gjithsesi, futbolli ka surpriza, ndaj quhet loja më e bukur në botë.
Të besuarit e Tintin Markez marrin një trofe të rëndësishëm, pasi dolën në grupe në vendin e parë me 9 pikë, sakaq eliminuan më pas Irakun, Taxhikistanin dhe Korenë e Jugut.
Në krahun tjetër, duartrokitje edhe për Jordaninë. Shpirti nuk mjaftoi dhe ekipi i Amouta H. duhet të kënaqet me vendin e dytë.
Lini një Përgjigje