FLASH
Shkruar nga Pamfleti
Lacio është rikthyer te fitorja në kampionat, pasi mundi 1-3 Kaljarin në fushën e këtyre të fundit. Pjesa e parë u mbyll me avantazhin e kryeqytetasve, të cilët iu falën autogolit të Deiola.
Imobile dyfishoi shifrat në minuëtn e 50, përpara se Gaetano të ngushtonte diferencën. Gjithsesi, goditjen përfundimtare vendasve nga Sardenja dha Anderson, në minutën e 65.
Sulmuesi italian ka realizuar 200 gola në Serinë A, duke u bërë lojtari i tetë që arrin këtë shifër dhe i katërti që e arrin në 45 vitet e fundit, bashkë me Roberto Baxhon (205), Antonio Di Natalen (209) e Françesko Totin (250).
Me këtë rezultat, skuadra e Sarrit renditet në vendin e gjashtë me 37 pikë. Kaljari renditet në vendin e parafundit me 18 pikë. Seria A ka në program ndeshje mjaft interesante sonte. Interi sfidon Romën në transfertë, ndërsa Sasuolo pret Torinon në Rexhio Emilia.
Lini një Përgjigje