FLASH
Shkruar nga Pamfleti
Egnatia merr fitoren e dytë radhazi dhe i jep fund ecurisë pozitive të Laçit. Pas dy fitoreve dhe dy barazimeve, kurbinasit janë mposhtur nga rrogozhinasit me rezultatin 1-2 në javën e 32 të Abissnet Superiore.
Laçi kaloi në avantazh në minutën e 23. Pas një ekzekutimi të një goditje këndi, Melo u shfaq i lirë, duke goditur me kokë dhe dërgoi topin në rrjetë.
Me fitoren 1-0 të vendasve përfundoi edhe pjesa e parë e këtij takimi. Në pjesën e dytë miqtë përmbysën ndeshjen dhe kthyen gjithçka në favor të tyre.
Në minutën e 62, Egnatia barazoi shifrat. Kombinime të mira nga miqtë, të cilat nxorën të lirë Montenegron që nuk gaboi.
7 minuta më vonë, rrogozhinasit përmbysën rezultatin. Ibrahimoglu lëshoi një goditje tokazi nga jashtë zonës, duke e bërë topin të pakapshëm për portierin Dajsinani.
Me këtë fitore, Egnatia mban e vetme kreun e klasifikimit me 60 pikë, ndërsa Laçi renditet në vendin e 7 me 38 pikë.
Lini një Përgjigje