FLASH
Shkruar nga Pamfleti
Asambleja e ardhshme e përgjithshme e Sportingut të Lisbonës, e cila është caktuar për më 8 tetor, pritet të votojë, sipas gazetës “A Bola”, mbi propozimin e bordit të drejtorëve, për t'i vendosur emrin e Kristiano Ronaldos hyrjes numër 7 të stadiumit “José Alvalade".
Një akt në nder të ish-lojtarit të Sportingut, i cili tashmë i ka “dhuruar” emrin Akademisë së klubit.
Ronaldo luajti për pesë vjet në akademinë e Sportingut dhe në sezonin 2002-2003 luajti në ekipin e parë para se të transferohej te Mançester Junajtid dhe karriera e tij të lulëzonte.
Duhet theksuar se stadiumi “José Alvalade” është rinovuar disa herë, ndërsa këtë vit portat e hyrjes në stadium u rritën nga shtatë në 12.
Lini një Përgjigje