FLASH
Shkruar nga Pamfleti
Dinamo i jep fund ecurisë negative. “Nëndetësja blu” ka mundur Laçin në transfertë me rezultatin minimal 0-1 dhe ka dalë në “sipërfaqe”.
Skuadra kryeqytetase është treguar cinike ndaj kurbinasve dhe goli i vetëm i këtij takimi është realizuar në minutën e 12. Pas një harkimi nga goditja e këndit nga Denison, Zabërgja goditi dhe shkundi portën e mbrojtur nga Dajsinani.
Në minutën e 63, ekipi i drejtuar nga Luixhi Di Biaxho mbeti me 10 lojtarë. Behiratçe ndërhyri ashpër ndaj Kurtit dhe u ndëshkua me kartonin e dytë të verdhë. Kapiteni u largua nga fusha pas kartonit të kuq.
Me këtë fitore, Dinamo renditet në vendin e 8 me 6 pikë, ndërsa Laçi mban vendin e 7 me 7 pikë.
Lini një Përgjigje