FLASH
Shkruar nga Pamfleti
Europa League luajti ndeshjet e para të fazës së 1/8. Sfidat patën gola, emocione, spektakël, me skuadrat e mëdha që nuk zhgënjyen.
Mançester Junajtid ka mundur me rezultatin e thellë 4-1 Real Betisin. Festa në “Old Trafford” ishte e gjitha për vendasit . Njeriu i momentit te “Djajtë e Kuq”, Markus Rashford lëshoi bukur të djathtën e tij pas një kundërsulmi vrasës.
Spanjollët nuk e kanë në gjak dorëzimin dhe ekipi nga Sevija reagoi brenda pjesës së parë me Perez, pas një asisti të Juanmi. Djemtë e Ten Hag treguan veten brenda 15 minutash, gol i Antoni dhe Fernandes vendosën ndeshjen në shinat e duhura. Në fund Ueghorst thelloi akoma më shumë avantazhin, duke e bërë pothuajse të pamundur përmbysjen në ndeshjen e kthimit nga ekipi i Pelegrinit.
Juventusi ka fituar përballë Fraiburgut në ndeshjen e parë të raundit të 1/8-ave të Ligës së Europës me rezultatin minimal 1-0.
Sfida foli më shumë për bardhezinjtë e Alegrit, të cilët dominuan pjesën më të madhe të lojës deri në minutën e 53, kur erdhi dhe goli nga Di Maria.
Më pas reagimi i gjermanëve nuk mungoi, të cilët gjetën dhe golin, por që u anulua nga VAR-i për prekje të topit me dorë.
Sfida e kthimit do të luhet pas një jave në Gjermani, aty ku Juventusi shkon me avantazhin e një goli, ndërsa Fraiburgu do të përpiqet të bëjë mrekullinë.
Lini një Përgjigje