
Benzhamin Mendi mund të marrë frymë lirisht. Ish-futbollisti i Mançester Sitit, Kampion Bote me Francën në vitin 2018, mund të mendojë që të kthehet në fushat e lojës, pasi për herë të dytë, gjykata e ka shpallur të pafajshëm për akuzat për përdhunim që i shkatërruan karrierën.
Futbollisti, i cili është larg fushave të lojës që nga vjeshta e vitit 2021 pas arrestimit dhe akuzave të njëpasnjëshme për përdhunim, sot fitoi gjyqin e dytë me akuzat për përdhunim, pasi në janar një gjykatë e kishte shpallur të pafajshëm për akuzat nga 7 femra të ndryshme.
BREAKING: Footballer Benjamin Mendy has been found not guilty of rape and attempted rape.https://t.co/dpyeYqNacg
— Sky News (@SkyNews) July 14, 2023
???? Sky 501, Virgin 602, Freeview 233 and YouTube pic.twitter.com/hSwAdDISoH
Edhe sot, pas tre orëve seancë, ai u shpall i pafajshëm pas rishikimit të çështjes për 2 nga këto raste dhe nuk mbajti dot lotët, teksa u dha vendimi që i jep fund kalvarit të tij. Mendi nuk pranoi të fliste për mediat, përveç një falenderimi për Zotin, ndërsa ishte dukshëm i emocionuar, teksa largohej nga gjykata në Çester.
Lini një Përgjigje