FLASH
Shkruar nga Pamfleti
Atalanta nuk ka shkuar më shumë se barazimi 1-1 ndaj Torinos, në ndeshjen e vlefshme për javën e 23 në Serinë A. Djemtë e Gasperinit bëjnë kështu një hap fals, duke mbetur pas Napolit dhe Interit.
Përsa i përket ndeshjes së sotme, bergamaskët gjetën golin me Belanovan në minutën e 21, por pas ndërhyrjes së VAR, goli u anulua.
Në minutën e 35 ishte Berat Gjimshiti që dërgoi topin në rrjetë pas krosimit të Belanovas nga goditja e këndit. Mbrojtësi kuqezi dërgoi topin me kokë në rrjetë duke kaluar kështu Atalantën në avantazh.
Gëzimi i vendasve nuk zgjati shumë, pasi Torino barazoi rezultatin 5 minuta më vonë me golin e Maripan. Pjesa e parë u mbyll 1-1. Në pjesën e dytë, në minutën e 75, Retegui humbi shansin e artë për të kaluar Atalantën në avantazh, pasi gaboi nga pika e bardhë e penalltisë.
Shifrat mbetën të pandryshuara deri në përfundim të takimit dhe ndeshja u mbyll në barazim 1-1. Atalanta renditet e treta me 47 pikë, ndërsa Torino në vendin e 11 më 27 pikë.
Lini një Përgjigje