FLASH
Shkruar nga Pamfleti
Cristiano Ronaldo ishte shumë pranë festës së titullit kampion në Arabinë Saudite, por Al Nassr u ndal në barazim dramatik ndaj Al Hilal, duke shtyrë gjithçka për javën e fundit të kampionatit.
Skuadrës së portugezit i mjaftonte vetëm fitorja për të siguruar matematikisht trofeun, por një autogol në minutat e fundit i mohoi triumfin. Al Nassr kaloi në avantazh në minutën e 37’, kur Simakan shfrytëzoi një aksion të mirë dhe dërgoi topin në rrjetë.
Gjithçka dukej se po shkonte drejt festës së madhe për Ronaldon dhe shokët e tij, por në fundin e takimit Al Hilal arriti të barazonte në mënyrë të pabesueshme. Pas një rivënieje me duar në zonë, portieri Bento doli i pasigurt dhe topi i rrëshqiti nga duart, duke përfunduar në rrjetë për autogolin që vulosi rezultatin 1-1.
Barazimi e shtyn garën për titull në ndeshjen e fundit të sezonit, ku Al Nassr do të përballet me Damac dhe fitorja mbetet i vetmi rezultat që i jep titullin kampion skuadrës së Ronaldos.
Ndërkohë, vëmendja e Al Nassr do të jetë edhe te finalja e Champions League 2 të Azisë, ku pas katër ditësh do të përballet me Gamba Osakan, në një tjetër duel vendimtar të sezonit.
Nada a ver com o Botafogo, mas imagina ser o Bento (será convocado para a Copa).
— Informa Fogo (@informafogo) May 12, 2026
Maluco simplesmente falhou no último lance que dava o título pro Al-Nassr. Olha a cara do CR7, mlk. ????????️ https://t.co/hM6sl7E5XC
Lini një Përgjigje