FLASH
Shkruar nga Pamfleti
Silvinjo rinovoi ditën e sotme kontratën me Kombëtaren. Braziliani firmosi me FSHF-në kontratën e re deri në dhjetor të vitit 2025, ku objektivi kryesor është kualifikimi i kuqezinjve në Kupën e Botës 2026. Bashkë me Silvinjon kanë rinovuar edhe Doriva dhe Zabaleta, duke vazhduar kështu bashkëpunimin mes tyre.
Pas rinovimit ka reaguar edhe Silvinjo. Nëpërmjet një postimi në rrjetet sociale 50-vjeçari skruan se është shumë i lumtur për rinovimin e kontratës, ndërsa nënvizon se kjo është vazhdimi i projektit të nisur 1 vit e 7 muaj më parë. Ndër të tjera shkruan se dolën krenarë nga “EURO 2024“, ndërsa tashmë është gati për sfida të reja.
“Jam shumë i lumtur me rinovimin e kontratës sime dhe të stafit teknik deri në dhjetor 2025.
Është vazhdimi i punës që nisi një vit e shtatë muaj më parë, me synimin për t’u kualifikuar në finalet e Kampionatit Evropian, gjë e cila u realizua. Ne u përballëm si të barabartë me çdo rival në “EURO 2024“ dhe dolëm nga turneu krenarë për atë që bëmë.
Por tani është koha për të ecur përpara dhe për t’u përballur me sfida të reja.
Jemi gati për këtë.
Forca Shqipëri!!! ????????”, ka shkruar braziliani.
View this post on Instagram
Lini një Përgjigje