FLASH
Shkruar nga Pamfleti
Igor Tudor e ka nisur me këmbën e mbarë aventurën te Juventusi. Në ndeshjen e tij të parë në krye të stolit, bardhezinjtë fituan në “Allianz Stadium” 1-0 ndaj Xhenoas, ndeshjen e vlefshme për javën e 30 të Serisë A.
Golin e vetëm të takimit e shënoi turku Kenan Jilldiz në minutën e 25. Pas topit të marrë nga një rivënie anësore, Jilldiz depërtoi bukur në krah dhe shënoi një gol shumë të bukur.
Pas kësaj fitoreje, Juventusi mbetet në vendin e 5 me 55 pikë, një pikë më pak se Bolonja e vendit të katërt, e cila ka një ndeshje më pak. Në krahun tjetër me 35 pikë të grumbulluara, Xhenoa mban vendin e 12.
Synimi i bardhezinjve është piëkrisht vendi i katërt, që i dërgon në Champions sezonin e ri. Tudor do të jetë trajneri i Juventusit deri në fund të sezonit, pastaj mbetet për t’u parë nëse drejtuesit bardhezi do të ndryshojnë mendim për kroatin.
Lini një Përgjigje