FLASH
Shkruar nga Pamfleti
Çesk Fabregas i ka dhënë lamtumirën futbollit të luajtur në moshën 36-vjeçare, teksa ka bërë të ditur se do të drejtojë ekipin B dhe Primavera të Komos.
Ai i ka dhënë shumë futbollit dhe do të mbahet mend si një nga mesfushorët më të mirë në botë. Fabregas ka zgjedhur të thotë mjaft, duke u larguar kështu përfundimisht nga futbolli i luajtur, pas 19- viteve të arta.
Postimi i plotë i Çesk Fabregas:
“Me pikëllim të madh ka ardhur koha të varja këpucët. Do ta vlerësoj çdo moment, që nga ditët e para te Barcelona, Arsenal, Çelsi Monako dhe në fund Komo.
Nga Botërori, në Kampionatin Evropian, fitoret në Angli, Spanjë, pushtimin e trofeve evropiane: ishte një udhëtim që nuk do ta harroj kurrë. Për të gjithë ata që më kanë ndihmuar, shokët e skuadrës, trajnerët, drejtorët, presidentët, pronarët, tifozët dhe agjentin tim; për të gjithë familjen time, nga prindërit e mi deri te motra ime, gruaja ime dhe fëmijët e mi, të cilët më kanë dhënë gjithmonë këshilla dhe kanë qenë gjithmonë një udhërrëfyes; për kundërshtarët e mi me të cilët kam ndarë beteja të mëdha në fushë: faleminderit që më bëtë më të fortë.
Kam kaq shumë kujtime të pashlyeshme dhe gjeta miq gjatë rrugës, do t’ia vlente vetëm për këtë. Gjithashtu mësova tre gjuhë dhe u rrita dhe u maturova në udhëtimet e mia. Kam pasur përvoja që kurrë nuk e kam menduar se do t’i afrohesha në një milion vjet. Por nuk jam i trishtuar, sepse jam gati të nis një rrugë të re: të stërvit ekipin B dhe Primavera të Komo 1907. Një klub dhe një projekt për të cilin nuk mund të isha më entuziast. Ky ekip fitoi zemrën time që në minutën e parë, u takuam në momentin perfekt të karrierës sime. Do të jap gjithçka në këtë aventurë të re.
Ndaj, pas 20 vitesh të pabesueshme plot sakrifica, gëzim dhe pasion, ka ardhur koha për të thënë sërish faleminderit dhe përshëndetje për sportin më të bukur në botë.
Më pëlqente çdo minutë.
Çesk”.
Fabregas luajti për vite të tëra me Arsenalin, me spanjollin që u shndërrua në një lider të padiskutueshëm të Arsenalit nga viti 2004 në vitin 2010. Ai, më pas zgjodhi La Liga, duke veshur fanelën e Barcelonës për 3 sezone. Fabregas gjatë karrierës së tij ka luajtur për Çelsin, Monakon dhe së fundmi për Komon në Itali.
View this post on Instagram
Lini një Përgjigje