FLASH
Shkruar nga Pamfleti
Çelsi me Mareskën në stol po bën një sezon për t'u marrë shembull në Premier Ligë. Blutë fituan me përmbysje 3-4 në derbin e Londrës kundër Totenhemit, duke marrë vendin e dytë dhe duke i shkaktuar “Spërsave” humbjen e shtatë sezonale dhe të dytën radhazi.
Totenhemi shënoi dy gola të shpejtë me Solanke dhe Kulusevskin duke e gjetur veten në epërsi të dyfishtë pas 11 minutave lojë, kjo pas dy gabimeve të Kukurejas. Çelsi "u zgjua" dhe shënoi me Sanço në minutën e 17, ndërsa në pjesën e dytë realizuan Palmer (dopietë) dhe Enzo Fernendez për përmbysjen e madhe. Në fund Son shënoi golin e tretë për “Spërsat”, por që shërbeu sa për statistika.
Me 31 pikë, Çelsi mban vendin e dytë duke lënë pas Arsenalin dhe sheh para vetëm Liverpulin (një ndeshje më pak) me katër pikë më shumë. “Spërsat” me 20 pikë mbeten në vendin e 11.
Lini një Përgjigje