FLASH
Shkruar nga Pamfleti
Armando Broja është kthyer në një nga emrat më të kërkuar në Premier Ligë që nga momenti kur u mësua se Çelsi është gati të shesë futbollistin. Blutë i kanë vënë një çmim prej 50 milionë paund kartonit të tij, por kjo për momentin nuk ka zbehur interesin për futbollistin e Kombëtares shqiptare.
Uest Hemi, Fullhemi dhe Ullvërhemptoni janë përmendur prej kohësh si skuadrat e interesuara për Brojën, pasi e shohin si alternativë të vlefshme për repartin e prapavijës së tyre. Por tashmë gazetari i “GIVEMESPORT’, Ben Xhakobs, ka bërë të ditur se edhe një emër i rëndësishëm në këtë sezon në futbollin anglez po sheh me interes lojtarin.
Sipas tij, Aston Vila e drejtuar nga Unai Emeri, e sheh Brojën si alternativë për repartin e avancuar, pasi do të shesë në janar Xhon Duran. Aston Vila është aktualisht në katërshen e parë të kampionatit anglez dhe pretendon të sigurojë një vend në Ligën e Kampioneve në sezonin e ardhshëm. Kjo padyshim do të ishte një mundësi e artë për Brojën nëse largohet nga Çelsi, pasi me Aston Vilën, do të kishte thuajse të garantuar pjesëmarrjen në kompeticionet europiane në sezonin e ardhshëm, pa harruar faktin se aktualisht kjo skuadër ka kaluar në fazën me eliminim direkt në Ligën e Europës.
Lini një Përgjigje