FLASH
Shkruar nga Pamfleti
Ardian Ismajli është rikthyer prej javësh nga dëmtimi dhe ka rimarrë menjëherë vendin e titullarit te Torino. Me torinezët është kthyer shpejt në një lider, duke bërë paraqitje shumë pozitive në kampionat.
Por pavarësisht se tashmë mbrojtësi ka gjetur vazhdimësinë me Torinon, sërish emri i tij vazhdon të lakohet në merkato. Kjo pasi Juventuesi i është rikthyer sërish kësaj “piste” dhe me uljen në stol të Luçiano Spaletit kanë nisur të “përpilojnë” listën e të preferuarve për merkaton e ardhshme.
Një nga repartet që kërkohen doemos përforcime është mbrojtja dhe Ismajli duket se përmbush më së miri “dëshirën” e Spaletit. Tashmë drejtuesit e “Zonjës së Vjetër” po mendojnë edhe planin për një transferim të mundshëm të shqiptarit dhe mesa duket në merkaton e ardhshme do të kemi “derbi” për shërbimet e tij, pasi edhe Torino nuk pritet ta lëshojë kollaj liderin e Kombëtares shqiptare.
Lini një Përgjigje