FLASH
Shkruar nga Pamfleti
Berat Gjimshiti nuk do të humbasë supersfidën e kësaj mesjave në Serinë A. Mbrojtësi shqiptar, la fushën e lojës që në minutat e para të sfidës ndaj Udinezes në kampionat në fundjavë, por nuk do të shohë si spektator në tribunë sfidën ndaj Juventusit që Atalanta luan sot.
Futbollisti u ça në vetull pas një përplasjeje kokë më kokë dhe meqë nuk ndalej hemorragjia, u desh të linte fushën e lojës duke përfunduar në spital. Atje iu konstatua një traumë në kokë dhe një e çarë për të cilën u deshën 10 qepje për ta mbyllur.
Prania e tij pas këtij dëmtimi ishte në dyshim, por mediat pranë klubit të Atalantës kanë bërë të ditur se Gjimshiti vlerësohet si i gatshëm për sfidën në fjalë. Trajneri Gasperini e ka grumbulluar për ndeshjen dhe tani mbetet të mësohet nëse do e nisë atë nga fillimi apo nëse do e nisë nga stoli.
Lini një Përgjigje