FLASH
Shkruar nga Pamfleti
Dinamo ka regjistruar sot një fitore shumë të rëndësishme teksa ka mundur me shifrat 2-0 Erzenin në “Air Albania”.
Blutë ishin kaluar në renditje nga Tirana një ditë më parë, por sot kanë dhënë përgjigjen e tyre në një ndeshje që e interpretuan mjaft mirë, duke mos i lejuar shijakasve të rrezikonin portën e Salit, ndërsa goditën me rastin e parë që iu shfaq me Denison.
Më pas, ata administruan mirë lojën dhe pritën momentin në pjesën e dytë për të mbyllur ndeshjen falë golit të Kaçorrit, i cili shfrytëzoi një gabim të prapavijës mike në momentin e tyre më të mirë.
Kështu, Dinamo kthehet në vendin e katërt, ndërsa Erzeni renditet në vendin e parafundit dhe sheh t’i largohen skuadrat që ka më lart në renditjen e kampionatit.
Lini një Përgjigje