FLASH
Shkruar nga Pamfleti
Majkëll Shumaker, përveçse një nga më të mëdhenjtë e të gjitha kohërave në F1, ishte edhe një nga sportistët më të pasur në botë. Pasuria e tij personale në vitin 2012, në sezonin e tij të fundit, e kaloi vlerën e 1 miliard dollarëve!
Megjithatë, jeta përrallore e Shumit dhe familjes së tij do të ndryshonte rrënjësisht në fund të vitit 2013. Piloti gjerman u përfshi në një aksident me ski në resortin dimëror të Mirabelit, i cili i shkaktoi dëmtime të rënda në tru.
Pas trajtimit në spital, Majkëll u dërgua në shtëpi, në një dhomë të projektuar posaçërisht ku monitorohet 24 orë në ditë nga një ekip i specializuar mjekësh dhe infermierësh.
Familja e Shumakerit, me gruan e tij, Korina tani në krye, kanë bërë gjithçka për t’i ofruar atij kujdesin më të mirë të mundshëm, por edhe për ta mbrojtur atë nga sytë kureshtarë.
Dihet pak për shëndetin e 7 herë pilotit të Formula 1. Dimë vetëm se ndodhet në Zvicër.
Megjithatë, të gjitha sa më sipër i kushtuan shtrenjtë familjes Shumaker. Sipas gazetës italiane “La Repubblica”, familja paguan rreth 7 milionë dollarë në vit për kujdesin e tij.
Familja e gjermanit të madh ka shitur së fundmi avionin e tij privat, një kullë në Norvegji dhe pjesë të rëndësishme të koleksionit të orëve të tij.
Lini një Përgjigje