FLASH
Shkruar nga Pamfleti
Spanja fitoi në debutimin e saj në “EURO 2024”, duke mundur Kroacinë me rezultatin e pastër 3-0. Kjo është fitorja e shtatë e skuadrës në një ndeshje hapëse të një Europiani. Humbja e vetme e Spanjës në ndeshjen e parë të saj në një Europian daton në edicionin e vitit 2000 kundër Norvegjisë, 0-1. Megjithatë, triumfi i spanjollëve pati një rezultat “negativ”.
Për herë të parë, pas vitit 2008, “Furia Roha” humbet duelin në lidhje me mbajtjen e topit, 54% në favor të Kroacisë.
Hera e fundit që Spanja u tejkalua në zotërimin e topit ishte më 18 nëntor 2014, gati dhjetë vite më parë, në një miqësore të luajtur në “Balaidos” (Vigo) kundër Gjermanisë, ndeshje që përfundoi me fitoren 0-1 të Gjermanisë.
Sipas “Corriere della Sera”, ky është fundi i tiki-taka së famshme, tani skuadra e drejtuar nga De La Fuente është një tjetër skuadër, me vertikale, më agresive dhe më cinike. De La Fuente ka fshirë përfundimisht këtë filozofi loje që spanjollët e kthyen në art duke fituar 2 Evropiane dhe 1 Botëror.
Me kalimin e viteve, kjo strategji nisi të bëhej jo efikase, madje në Botërorin e Katarit, Spanja mbajti 77% topin përballë Marokut, por në fund u eliminuan.
Lini një Përgjigje