FLASH
Shkruar nga Pamfleti
Ernest Muçi po kalon një nga sezonet më të mira të karrierës së tij në Turqi, duke spikatur me fanelën e Trabzonsporit. Sulmuesi shqiptar ka realizuar 13 gola dhe ka dhënë 8 asiste në 29 ndeshje, të zhvilluara në Superligën turke dhe Kupën e Turqisë.
Forma e tij e mirë e ka kthyer në një nga lojtarët më të vlerësuar të skuadrës, duke rritur pritshmëritë për një transferim të mundshëm përfundimtar.
Vendimi i paqartë i Beshiktashit
Megjithatë, e ardhmja e Muçit mbetet e pasigurt. Sipas raportimeve nga media turke “Eagle Media”, drejtuesit e Beshiktashit nuk kanë marrë ende një vendim për blerjen e kartonit të lojtarit.
Në raportim thuhet se klubi ka bërë një “prapakthehu” në qendrimin e tij. Nëse nuk arrihet një marrëveshje për shitjen sipas kërkesave të Beshiktashit, atëherë 25-vjeçari mund të rikthehet te kjo skuadër për sezonin e ardhshëm, ndryshe nga sa ishte raportuar më herët.
Vlera dhe rikthimi në fushë
Sipas të dhënave të “Transfermarkt”, vlera e kartonit të Ernest Muçit është rreth 11 milionë euro.
Ndërkohë, lojtari pritet të rikthehet në stërvitje me Trabzonsporin, pasi ka lënë pas një periudhë mungese në dy ndeshje të rëndësishme të kampionatit.
Situata në kampionat
Trabzonspori vijon garën në Superligën turke, ku ndeshja e radhës është më 19 prill përballë Bashakshehirit, në kuadër të javës së 30-të.
Aktualisht, vendin e parë e mban Gallatasaraji me katër pikë më shumë, ndërsa gara për titull mbetet e hapur edhe për skuadrën ku aktivizohet Muçi në formë huazimi.
Lini një Përgjigje