FLASH
Shkruar nga Pamfleti
Atalanta ka marrë një fitore të vyer në Ligën e Europës në grupin D, duke mundur 1-0 Shturm Graz. Pjesa e parë u dominua nga bergamaskët, por italianët nuk u treguan konkret. Një goditje në portë nuk mjaftoi për zikaltërit e vegjël, për të zhbllokuar sfidën në 45 minutat e para. Titullar në këtë takim ishte Berat Gjimshiti, i cili bëri një lojë të kënaqshme.
Ishte pikërisht kapiteni i kombëtares kuqezi që në fillimin e pjesës së dytë mposhti holandezin Kjell Sherpen me një goditje nga brenda zonës. Ky sukses çon Atalantën në kuotën e 10 pikëve.
Ndërkaq, në “London Stadium”, “çekanët” e Uest Hemit kanë mundur me rezultatin minimal, 1-0, “gjigantët” grek të Olimpiakosit, me golin e vetëm të sfidës që erdhi në minutën e 72 të saj, me “fantazistin” brazilian, Lukas Paketa, i cili mposhti portierin Pashalakis, me një goditje potente, duke u shkëputur në krye të grupit A, me 9 pikë.
Ndërkaq, në sfidat e tjera të mbrëmjes, spanjollët e Real Betis mundën qipriotët e Aris Limassol, me rezultatin e thellë, 4-1. “Shqiponjat” gjermane të Frajburgut fituan me rezultatin e thellë, 5-0, ndaj serbëve të TSC, Molde mposhti Haken me rezultatin 1-3, Renxhërs triumfoi me rezultatin, 2-1, ndërsa Sportingu i Lisbonës fitoi ndaj polakëve të Rakou, me rezultatin, 2-1.
Lini një Përgjigje