FLASH
Shkruar nga Pamfleti
Çavi Hernandez do të largohet nga pankina e Barcelonës në fund të sezonit dhe drejtuesit e klubit kanë nisur menjëherë nga puna për të gjetur zëvendësuesin e tij.
Mediat spanjolle kanë nisur spekulimet dhe emri që po spikat së fundmi është vërtetë i bujshëm.
Bëhet fjalë për trajnerin që i mësoi Barcelonës stilin “Tiki-Taka”, holandezin Frenk Rijkard. Ai drejtoi blaugranat gjatë viteve 2003-2008, duke fituar Ligën e Kampioneve në vitin 2006 dhe hedhur themelet për punën e Pep Guardiolës.
Tashmë pritet në vijim se çfarë do të ndodhë, nëse do të ketë një rikthim të madh apo këto zëra do të sfumohen njëherë e mirë.
Kujtojmë që 61-vjeçari më parë ka qenë zv-trajner dhe trajner i kombëtares holandeze. Teksa ka drejtuar edhe skipe si Sparta e Roterdamit, Barcelona, Gallatasaraji dhe përfaqësuesen e Arabisë Saudite. Këta të fundit i la në vitin 2013 dhe që prej atëherë nuk ka drejtuar asnjë ekip.
Lini një Përgjigje