FLASH

TAGS-AT E JAVËS

Sport11 Janar 2026, 22:06

Barcelona fiton Superkupën e Spanjës përballë Realit, Katalanasit ‘triumfojnë’ për të dytin vit radhazi ndaj 'Galaktikëve'

Shkruar nga Pamfleti

Barcelona fiton Superkupën e Spanjës përballë Realit,

Barcelona ka fituar trofeun e Superkupës së Spanjës, pas arriti të merrte një fitore me rezultatin 3-2 ndaj rivalëve të përjetshëm Real Madridit, mbrëmjen e sotme.

Pjesa e parë pati katër gola. Barcelona kaloi e para në avantazh në minutën e 36-të, kur Raphinha realizoi një gol të bukur individual, duke kaluar me shpejtësi mbrojtjen madrilene dhe duke goditur saktë nga buza e zonës në këndin e poshtëm të portës, pa i lënë asnjë shans Courtois.

Reagimi i Real Madridit erdhi në shtesën e pjesës së parë. Në minutën 45+2, Vinicius Junior barazoi shifrat me një aksion individual të shkëlqyer, duke finalizuar me qetësi nga brenda zonës për rezultatin 1-1.

Vetëm dy minuta më pas, Barcelona riktheu epërsinë. Pedri shërbeu bukur për Robert Lewandowski-n, i cili me një goditje teknike e çoi topin në rrjetë, duke vendosur rezultatin 2-1 në minutën 45+4.

Por drama nuk kishte mbaruar ende. Në minutën 45+7, Gonzalo Garcia përfitoi nga një top i mbetur në zonë dhe lëshoi një goditje spektakolare, e cila u ndal vetëm nga traversa dhe përfundoi në rrjetë, duke barazuar gjithçka në 2-2 dhe duke mbyllur një pjesë të parë elektrizuese.

Pjesën e dytë të dyja skuadrat do të ishin më të kujdeshme për të mos toleruar gabime që mund t’iu kushtonin në fund.

Por në minutën e 73’-të, Dani Olmo do t’i pasonte një top Raphinhas, i cili do ta gjuante drejt portës dhe një devijim i nga mbrojtja do ta dërgonte topin në rrjetë, duke vulosur shifrat 3-2.

Pjesa e mbetur e lojë nuk do të rezervonte surpriza, por nervozizëm, i cili do të kulmonte në minutën e 90’-të, kur De Jong do të nxirrej jashtë me të kuqe, duke lënë Barçën me 10 lojtarë.

barça real superkupa spanjës

Lini një Përgjigje

Sport

Na ndiqni edhe në
KONTAKT TE DHENAT PERSONALE COOKIES