FLASH
Shkruar nga Pamfleti
Sulmuesit kuqezi i përfundoi huazimi në Arabinë Saudite, tek ekipi i Al Khalej, por është rikthyer te Konjaspori, skuadër që ka në pronësi kartonin e tij.
Sulmuesi i Kombëtares shqiptare u transferua në Lindjen e Mesme në formë huazimi nga turqit e Konjasporit verën e shkuar, por klubi arab nuk ka vendosur ta blejë pavarësisht se shkëlqeu me 11 gola e 3 asiste, të cilat i siguruar mbijetesën.
Sipas mediave turke, Cikalleshi nuk pritet të largohet gjatë kësaj merkato vere, pasi klubi turk e sheh pjesë të projektit për sezonin e ri.
32-vjeçari e kishte paralajmëruar edhe më parë një rikthim në Turqi dhe tani do të nisë sërish përgatitjet për sezonin e ri.
Në grumbullimin e tij të parë, Cikalleshi nuk do të gjejë në ekip Endri Çekiçin, i cili nuk ka rinovuar kontratën me Konjasporin dhe është lojtar i lirë në treg.
Cikalleshi mund të largohet vetëm nëse vjen ndonjë ofertë për t’i blerë kartonin, por nuk parashikohet një tjetër huazim.
Lini një Përgjigje