FLASH
Shkruar nga Pamfleti
Bajer Leverkusen ka siguruar një fitore të rëndësishme në transfertë ndaj Borusias së Dortmundit, në kuadër të javës së 29-të të Bundesligës gjermane. Takimi i zhvilluar në stadiumin “Signal Iduna Park” u mbyll me rezultatin minimal 0-1.
Goli i vetëm i ndeshjes u shënua nga mesfushori gjerman Robert Andrish në minutën e 42-të. Ai realizoi me një goditje të saktë nga jashtë zonës, duke i dhënë avantazhin vendimtar skuadrës së tij në një përballje të luftuar dhe me ritëm të lartë.
Me këtë fitore, Leverkuseni ngjitet në vendin e pestë të renditjes, duke shkuar në kuotën e 52 pikëve. Në anën tjetër, Borusia eDortmundit mbetet në vendin e dytë me 64 pikë të grumbulluara.
Në ndeshjet e tjera të javës, Lajpcigu arriti një fitore të rëndësishme në garën për një vend në Champions League, falë golit të Jan Diomande në minutën e 81-të. Ndërkohë, Volfsburgu u mposht në shtëpi 1-2 nga Ajntrahti i Frankfurtit, duke thelluar pozitat e tij në renditje, ku aktualisht mban vendin e 17-të me 21 pikë.
Një fitore me vlerë për mbijetesën arriti edhe Heidenheimi, që triumfoi 3-1 ndaj Unionit të Berlinit. Megjithatë, skuadra vijon të mbetet në fund të tabelës me 19 pikë, duke ruajtur ende shpresa të vakëta për qëndrimin në elitë.
Lini një Përgjigje