FLASH
Shkruar nga Pamfleti
Sulmuesi i Kombëtares së Shqipërisë, Armando Broja pritet të rikthehet në fushën e blertë nga dëmtimi në muajin korrik, kur Çelsi do të luajë ndeshjet para-sezonale përgatitore në Amerikë.
Broja është rikthyer në stërvitje të lehta me ‘Blutë’ e Londrës dhe nuk do të jetë i gatshëm deri në muajin korrik, gjë që lë të kuptohet se ai do t’i mungojë Shqipërisë në ndeshjet e qershorit, kundër Moldavisë dhe Ishujve Faroe.
Sulmuesi 21-vjeçar ka qenë jashtë fushës që nga muaji dhjetor i vitit të kaluar, ku u dëmtua në një ndeshje miqësore ndaj Aston Vilës. Ai iu nënshtrua një operacioni në gju, kurse tani është rikthyer në fushën e blertë me disa stërvitje të lehta.
Armando Broja do të jetë i gatshëm për ndeshjet miqësore të ‘Bluve’ të Londrës gjatë muajit korrik në SHBA dhe pritet të jetë një test i vështirë për të, pasi skuadra e Çelsit është duke kërkuar trajnerin e ri dhe ai duhet të punojë shumë për të justifikuar pozicionin e tij.
Kujtojmë ae është folur për Mauricio Poçetinon, që mund të ulet në stolin e Çelsit që nga fillimi i sezonit të ri.
Lini një Përgjigje