FLASH
Shkruar nga Pamfleti
Një ngjarje tragjike ndodhi në Rumani, në zonën e Karansebes. Bëhet fjalë për një minibus me disa tifozë të skuadrës greke të PAOK-ut.
Mjeti në fjalë ishte nisur nga Greqia dhe destinacion kishte Francën, pikërisht për ndeshjen e Ligës së Europës Olimpik Lion-PAOK, e planifikuar për t’u luajtur të enjten në orën 21:00.
Por çfarë ndodhi? Sipas raportimeve nga policia rumune, shkaku i aksidentit lidhet me një parakalim të gabuar nga ana e shoferit të minbusit, me të cilin po udhëtonin tifozët grekë. Më tej thuhet se përplasja ishte aq e fortë sa shkaktoi vdekjen e menjëhershme të të paktën shtatë tifozëve, përfshirë dhe shoferin.
Pasgjerët e tjerë të plagosur u dërguan pranë spitaleve më të afërta, ndërsa nuk ka një numër të saktë të personave që ishin në minibus. Një dëshmitar okular, i cili shmangu përplasjen në momentin e fundit, përshkroi çastin dramatik, duke fajësuar shoferin e minibusit për manovrën e rrezikshme:
“Ishte e qartë se ai nuk kishte shpresë. Ishte jashtëzakonisht e rrezikshme. Ai hyri për të kaluar, vuri re kamionin që po vinte dhe u përpoq të kthehej në korsinë e tij, por përfundoi duke u përplasur ballë për ballë. Pashë vetëm një person të dilte gjallë nga automjeti. Pjesa tjetër ishin shtrirë në rrugë dhe në fushë, në një gjendje shumë të keqe”.
Lini një Përgjigje