FLASH
Shkruar nga Pamfleti
Britney Spears, nuk po tregon shenja përmirësimi. Ky është zhvillimi i fundit në jetën e saj.
Publikimi i TMZ citon raporte të cilat nuk janë optimiste për të ardhmen e saj.
“Britney Spears është gjithnjë e më shumë në rrezik të dëmtojë veten”, thanë burimet, duke shtuar se “ishte një gabim i madh për t’i dhënë fund kujdestarisë së saj të detyrueshme”.
E njëjta media përmend disa njerëz nga jeta e Spears të cilët shprehin shqetësim të fortë për fatin e saj. Të njëjtët thonë se këngëtarja “u kthye sërish te droga”.
“Shëndeti i saj mendor ka qenë në rënie që nga mbarimi i kujdestarisë. Shpesh nuk i merr ilaçet që e stabilizojnë, pi dhe përdor droga të ndryshme, gjë që është veçanërisht e rrezikshme, sepse ka probleme me abuzimin me substancat që e kanë dërguar shumë herë në qendrën e detoksifikimit”, thonë ata për Britney.
Sipas TMZ: “Ajo ka ndryshime radikale të humorit dhe shpesh shpërthen në tërbime që përfundojnë me dhunë fizike. Ka raste kur është e pamundur të komunikosh me të, sepse ajo nuk mund të përfshihet në një bisedë racionale”.
Gjithçka tregon se Spears nuk është në gjendje të kujdeset për veten.
Lini një Përgjigje