FLASH
Shkruar nga Pamfleti
Pas shqetësimeve shëndetësore të banores Alba Pollozhani, produksioni i Big Brother VIP Kosova ka publikuar një njoftim zyrtar mbi situatën e saj. Përmes një deklarate në rrjetet sociale, është bërë e ditur se Alba nuk është ndjerë mirë dhe është transportuar në spital për trajtim mjekësor profesional.
Sipas produksionit, largimi i Albasë nga shtëpia e “Big Brother” është i përkohshëm dhe është bërë për shkak të një nevoje të menjëhershme për kujdes shëndetësor. Në njoftimin zyrtar thuhet:
“Alba ka lënë shtëpinë për pak kohë pasi nuk është ndjerë mirë dhe aktualisht ndodhet në spital për trajtim mjekësor profesional.”
Stafi i produksionit ka theksuar se gjendja e Albasë po monitorohet nga ekipi mjekësor dhe se rikthimi i saj në lojë do të bëhet sapo shëndeti i saj të stabilizohet.
Ky zhvillim ka shqetësuar fansat e programit, të cilët kanë shprehur solidaritet dhe kanë kërkuar informacion për gjendjen e Albës. Edhe banorët e tjerë brenda shtëpisë janë treguar të shqetësuar dhe po presin lajme për rikthimin e saj.
Produksioni ka siguruar se situata është nën kontroll dhe prioritet mbetet shëndeti i banores. Ndërkohë, publiku mbetet i vëmendshëm për çdo zhvillim të mëtejshëm dhe për informacione mbi mundësinë e rikthimit të Albës në shtëpinë e “Big Brother VIP Kosova”.
View this post on Instagram
Lini një Përgjigje