FLASH
Shkruar nga Pamfleti
Maria Moran është gazetarja e “Gol TV” në Spanjë dhe së fundmi ka rënë pre e kërcënimeve dhe shantazheve në rrjetet sociale. Shkak për këtë është bërë një pyetje që gazetarja i ka drejtuar Karlo Ançelotit, ku në fakt ishte një pyetje që kushdo mund t’ia bënte.
“A mendoni se kartoni i kuq që mori Vinisius, mund t’i shërbejë si mësim për protestat që i bën gjyqtarit”, ishte pyetja që gazetarja i drejtoi Ançelotit. Menjëherë pas kësaj pyetjeje, në rrjetet sociale kanë qenë të shumta komentet fyese për gazetaren, komente të cilat ajo nuk ka ngurruar t’i publikojë dhe t’i denoncojë në polici.
“Të kanë përdhunuar dhe nuk e di se kush është babai i fëmijës tënd”, shkruan një tifoz, ndërkohë që shumë të tjerë e kanë kërcënuar. “Që më kanë përdhunuar dhe që fëmija im është i jashtëligjshëm, ofendime ndaj një foshnje… të gjitha i kam raportuar në polici”, shprehet gazetarja e njohur në Spanjë. Maria Moran ka qenë e dashura e ish-portierit të Barcelonës, Silesen. Ky i fundit e braktisi së bashku me foshnjën dhe ende janë gjyq në lidhje me pagesat që ish-portieri duhet të bëjë për rritjen e fëmijës.
Lini një Përgjigje